Արվեստն ու XR (Վիրտուալ Իրականություն և/կամ Ընդլայնված Իրականություն) տեխնոլոգիաները փոխհամագործակցում են արդեն տևական ժամանակ. օրեցօր այս երկու ոլորտներն իրար են կապվում շատ ավելի հանդուգն, ծավալուն ու էքսպերիմենտալ նախաձեռնությունների տեսքով:
Ստորև ներկայացնում ենք 7 հանրահռչակ մշակութային կենտրոններ, որոնք ներառել են XR փորձառություններն իրենց աշխատանքային գործընթացներում։
Քլիվլենդի Արվեստի Թանգարան – ArtLens Ինտերակտիվ Փորձառություն
Քլիվլենդի Արվեստի Թանգարանը մշակել է «ArtLens» հարթակը՝ թվային լուծում, որն օգտագործում է AR և այլ ինտերակտիվ տեխնոլոգիաներ՝ պատկերասրահում արվեստի գործերը կենդանացնելու համար։ Այցելուները կարող են ուսումնասիրել հանրահայտ արվեստի գործեր, ծանոթանալ ստեղծագործական գործընթացին և նմուշների վրա տեսնել վերարտադրված համատեքստային շերտեր՝ պատմական ակնարկներով։
Լուվրի Թանգարան – Վիրտուալ Շրջայցեր և Թվային Փորձառություններ
Լուվրն առաջարկում է մի շարք վիրտուալ շրջայցեր և թվային ինտերակտիվ փորձառություններ, որոնք հնարավորություն են տալիս առցանց օգտատերերին ամենայն մանրամասնությամբ ուսումնասիրել նշանավոր պատկերասրահներն ու հավաքածուները։
Այս XR մոտեցումը թույլ է տալիս դուրս գալ ֆիզիկական տարածքից ու նոր ձևերով փոխազդել արվեստի հետ:
Բրիտանական Թանգարան – VR Շրջայց Google Arts & Culture-ի միջոցով
Google Arts & Culture-ի հետ համագործակցությամբ Բրիտանական Թանգարանը առաջարկում է 360° շրջայցեր և VR փորձառություններ, որոնք թույլ են տալիս օգտատերերին վիրտուալ կերպով այցելել պատկերասրահներ և մանրամասն ուսումնասիրել արվեստի ու պատմական արժեքավոր իրերը։
Վան Գոգի Թանգարան (Ամստերդամ) – Խորասուզող VR Փորձառություններ
Վան Գոգի Թանգարանը VR տեխնոլոգիաների միջոցով առաջարկում է այցելուներին «տեղափոխվել» Վինսենթ վան Գոգի աշխարհը։ Այս ինտերակտիվ ցուցադրությունները հնարավորություն են տալիս հայտնվել նկարչի լանդշաֆտների ու արվեստանոցների ներսում՝ նոր ձևով ընկալելով նրա ստեղծագործությունները։
Նյու Յորքի Ժամանակակից Արվեստի Թանգարան (MoMA) – VR Ցուցադրություններ և Ինստալյացիաներ
MoMA-ն ներառել է VR տեխնոլոգիաները՝ ցուցադրությունների և թեմատիկ ինստալյացիաների միջոցով։ Այս XR նախագծերը հնարավորություն են տալիս մաքսիմալ ինտերգրվել առօրյա և ստեղծագործական գործընթացներին՝ բացահայտելով անսովոր լուծումներ ծանոթ խնդիրներին։
Այլ Իրականությունների Թանգարան (Museum of Other Realities — MOR)
Այս վիրտուալ թանգարանը միաժամանակ ստեղծագործողների, հետազոտողների և արվեստագետների համայնք է, որտեղ կարելի է կապ հաստատել, կիսվել և համատեղ փորձառություն ձեռք բերել նոր մեդիայի ոլորտում VR-ի միջոցով՝ աշխարհի տարբեր անկյուններից հավաքված մարդկանց հետ միասին։
Expo Dubai Xplorer
XR տեխնոլոգիաներով ստեղծված հարթակ, որը վիրտուալ տիրույթում վերստեղծում է «Dubai Expo» տարածքը՝ թույլ տալով այցելուներին ուսումնասիրել և փոխազդել միջոցառման ամենատարբեր մասերի և մասնակիցների հետ։
Թողնել պատասխան